19
22
3
等級8
2018-11-10 519 瀏覽
雖然入秋,老婆話好耐未行過山,所以,趁個周末,簡簡單單揀條唔難嘅山徑,就行吓川龍啦。行完山,棄小巴,改搭巴士51號落番荃灣西站,因為荃灣廣場、灣景廣場、大壩街……等等,大把食肆供選擇,之後,我哋搭番西鐵返美孚又快。本來打算再翻兜大會堂嘅「牧羊小年」,正晌西鐵巴士總站行過去時,途經「Italian Tomato Café」,發覺好耐無幫襯過佢,亦懷念佢啲蛋糕,故改晌呢處食午餐。就晌門口外擺設多款食物模型,好有80年代一種典型日式西餐廳嘅感覺。甫入內,以為餐廳嘅環境唔大,但由於呈U形,轉向另一邊仲有好多用餐嘅地方。而以啡色為主調,印象最深喺通道十分闊落,牆上掛咗少少食物照作點綴,感覺寫意。 一大本餐牌放晌枱上,但未有深入研究,轉眼就將焦點擺晌午餐一版度。午餐一共有7款,定價$64-$138,已包咖啡或茶及精選餐湯,亦有其他加配或升級優惠。午餐可加$18轉特飲,咁究竟邊啲喺特飲,睇以下個飲品餐牌就清楚晒。基本餐具早已放晒晌餐枱邊,唔使吓吓專登煩店員,費事失事。精選餐湯所謂「精選」,都只喺茶記見慣嘅白湯「忌廉湯」及紅湯「羅宋湯」,老實講,水準只可以話比茶記水平高少少,忌廉湯幼滑無起粉粒,羅宋湯
更多
雖然入秋,老婆話好耐未行過山,所以,趁個周末,簡簡單單揀條唔難嘅山徑,就行吓川龍啦。行完山,棄小巴,改搭巴士51號落番荃灣西站,因為荃灣廣場、灣景廣場、大壩街……等等,大把食肆供選擇,之後,我哋搭番西鐵返美孚又快。本來打算再翻兜大會堂嘅「牧羊小年」,正晌西鐵巴士總站行過去時,途經「Italian Tomato Café」,發覺好耐無幫襯過佢,亦懷念佢啲蛋糕,故改晌呢處食午餐
2 瀏覽
0 讚好
0 留言
就晌門口外擺設多款食物模型,好有80年代一種典型日式西餐廳嘅感覺。
0 瀏覽
0 讚好
0 留言
甫入內,以為餐廳嘅環境唔大,但由於呈U形,轉向另一邊仲有好多用餐嘅地方。而以啡色為主調,印象最深喺通道十分闊落,牆上掛咗少少食物照作點綴,感覺寫意
1 瀏覽
0 讚好
0 留言
2 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
 一大本餐牌放晌枱上,但未有深入研究,轉眼就將焦點擺晌午餐一版度。午餐一共有7款,定價$64-$138,已包咖啡或茶及精選餐湯,亦有其他加配或升級優惠。
15 瀏覽
0 讚好
0 留言
7 瀏覽
0 讚好
0 留言
午餐可加$18轉特飲,咁究竟邊啲喺特飲,睇以下個飲品餐牌就清楚晒。
6 瀏覽
0 讚好
0 留言
基本餐具早已放晒晌餐枱邊,唔使吓吓專登煩店員,費事失事。
0 瀏覽
0 讚好
0 留言
精選餐湯

所謂「精選」,都只喺茶記見慣嘅白湯「忌廉湯」及紅湯「羅宋湯」,老實講,水準只可以話比茶記水平高少少,忌廉湯幼滑無起粉粒,羅宋湯酸香味十足,但肯定無咩特別感。
忌廉湯
0 瀏覽
0 讚好
0 留言
羅宋湯
0 瀏覽
0 讚好
0 留言
黑松露蘆筍雜菌忌廉天使麵 $78

老婆一向跑「素」,所以,呢道天使麵就啱晒佢嘞。睇樣就已經見到有好多料,蘆筍、雜菌堆滿晌麵條之內,啲蘆筍又嫩喎,雜菌有菌香,難得天使麵入口滑溜,無煮過腍,黑松露忌廉汁底亦散發出陣陣幽香,質感啱啱好,令每炷天使麵都掛滿汁。
黑松露蘆筍雜菌忌廉天使麵
$78
0 瀏覽
0 讚好
0 留言
黑松露蘆筍雜菌忌廉天使麵
1 瀏覽
0 讚好
0 留言
芝士南瓜蘑菇蝦肉蟹肉忌廉焗飯 $80

小弟就揀焗飯,純粹貪佢有蟹肉呢個元素。飯份量不少,襯上南瓜醬、芝士,又焗得一身金黃。由於新鮮焗製,入口非常熱辣,飯底雖然唔喺炒飯,但混上南瓜醬,軟綿清甜;大蝦大概有4、5隻左右,入口極為爽彈,蘑菇亦食得出喺新鮮貨,唔喺罐頭嘢,不過,蟹肉就得好少,食嚟食去都唔覺。
芝士南瓜蘑菇蝦肉蟹肉忌廉焗飯
$80
1 瀏覽
0 讚好
0 留言
芝士南瓜蘑菇蝦肉蟹肉忌廉焗飯
2 瀏覽
0 讚好
0 留言
熱榛子朱古力咖啡 +$18

老婆都喜歡久唔久嘆吓咖啡,不過,佢就較鍾意中庸少少嘅朱古力咖啡。賣相雖然無一般拉花咁靚仔,但味道確喺唔差,榛子香味、朱古力味、咖啡味都算喺做到平衡,唔會某一種味道太搶。
熱榛子朱古力咖啡
0 瀏覽
0 讚好
0 留言
招牌熱咖啡

我就簡單啲,揀杯招牌咖啡就可以喇,一來唔使加錢,二來叫得「招牌」咪睇佢有幾招牌囉,哈哈!即磨咖啡送上枱時,確喺有陣陣咖啡香氣,牛奶亦有座熱過,呷一口,真心覺得醇香。
招牌熱咖啡
3 瀏覽
0 讚好
0 留言
題外話,近排成日提及「走塑」,餐廳都有響應,揀凍飲嘅話,都唔會主動提供膠飲管,呢個運動值得支持

0 瀏覽
0 讚好
0 留言
晌近門口嘅蛋糕櫃,有廿多款件裝蛋糕,琳瑯滿目,各有特色,喺一入門口好搶眼球焦點,況且,「Italian Tomato」出名嘅喺佢哋啲蛋糕,尤其喺佢哋嘅皇牌士多啤梨蛋糕。定價$34-$48,但跟餐加$29就可以配一件,絕對諗得過

1 瀏覽
0 讚好
0 留言
北海道南瓜批 +$29

蛋糕款式實在太多,樣樣都想試,焦糖香蕉撻、栗子蘋果撻、法國海鹽焦糖純米蛋糕、日本紫蕃薯蛋糕呢幾款更喺心水中嘅心水,不過,知道老婆更鍾意南瓜,最後決定揀「北海道南瓜批」,最欣賞喺佢哋每款蛋糕都有幅好靚嘅小插畫,而且,更有詳細介紹。
5 瀏覽
0 讚好
0 留言
單喺睇賣相已經好賞心悅目,以北海道南瓜入饌,下層做成柔滑嘅慕絲,面層做成軟綿綿嘅南瓜蓉,清甜無比
;中間仲夾有朱古力蛋糕及海綿蛋糕,並配以牛油撻殼,以及裝飾得嚟好好食嘅糖漬粟子,唯一挑剔位喺撻殼未夠脆身。不過,以正價$36呢個價錢,喺性價比極高嘅出品

北海道南瓜批
$36
1 瀏覽
0 讚好
0 留言
「 Italian Tomato」嘅蛋糕果然好出色,絕對令今餐午飯作最後衝刺,將整體評分抽高番唔少,不過,除咗兩個湯普通啲之外,其實兩道主菜、咖啡亦有一定水準。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$113 (午餐)
推介美食
黑松露蘆筍雜菌忌廉天使麵
$ 78
芝士南瓜蘑菇蝦肉蟹肉忌廉焗飯
$ 80
北海道南瓜批
$ 36