上海姥姥

營業中

休息中

自從翡翠明珠翻新後，銅鑼灣多左個美食聚堂。今次就同朋友一齊去試下啲餐廳咩環境。上海姥姥位置較顯眼，一上電梯便睇到，6點幾黎到已經滿座要排隊等位。不過等一陣就安排入座。上海菜無人不曉應該屬小籠包啦，呢籠小籠湯包價錢有點貴，一個要10蚊。不過皮係人手自製都算值得，味道不錯，皮薄肉多，一咬下去湯汁噴出，所以吃的時候要小心，不過餡肉夠大，多料。紅油抄手味道也相當不錯，一共有6顆。每一顆都很大顆，入口味道豐富，紅油汁酸酸甜甜到點微辣，所以不敢吃辣的朋友也能試試。特別喜歡吃酒釀湯圓作為甜品，酒味道並不濃，反而桂花味道突出，每一口都帶香香的桂花味。