冠泰海南雞飯泰國菜館 (已結業)

一、兩年前來過，印象蠻不錯的，尤其那金字塔海南雞飯。昨天有機會到筲箕灣，趁機再來一次。一坐下，見到有晚飯小菜套餐，$48一位包小菜一款、白飯一碗及飲品一杯(可選泰式特飲)，幾抵食。三人於是點了三個套餐，如下︰海南雞飯︰可能因為係套餐關係，沒有三角金字塔飯，但美中不足係冇油飯，只係得白飯一碗。須知海南雞飯跟油飯係絕配，配白飯真的失色不少。講返隻雞就真係幾好食，不過份量偏少。豬頸肉炒芥蘭︰個人覺得太多油，不過配料都幾香口，泰式炒菜的一貫特色。黃咖喱牛︰只有幾塊牛肉，黃咖喱汁亦偏稀，味不夠濃。飲品有龍眼冰、椰汁冰及紅豆冰︰我的椰汁冰椰汁味夠濃但太甜。聽說龍眼冰及紅豆冰不錯。白飯︰太乾身，若撈咖喱汁還可以。服務很一般，態度有少許晦氣但又很快捷，不收加一。不過不失的一餐。