日悅極尚日式放題 (已結業)

同男朋友同樣係日本菜嘅big big fans，偶爾瘋一點，狂食刺身，放題係當然之選！不過始終日式放題重質先最緊要，所以放題都係寧缺莫濫！呢間日悅雖然地點唔係方便，但環境寬躺而且食品選擇多，所以人值得向大家推介返！先講刺身，上菜嘅賣相相當「屈機」，「冰震」係基本嘢，不過重點係綴以乾冰而上，一上枱煙霧四起，好易引嚟大家側目，不過多試幾次就會習慣，當然同樣都欣賞咁別出水栽嘅擺盆方式！至於味道，首先一讚係佢有劍魚腩，的確唔係好多日式放題有提供劍魚腩呢個選擇，但因為個人偏愛，所以呢方面自然大大加分！另外甜蝦赤蝦同三文魚都好鮮味，赤蝦特別驚喜，而三文魚則偏瘦。壽司選擇都多，不過個人唔太好飯，所以只係試咗少少，花之戀大大份份量足，三文魚相較刺身時嘅肥美啲，另外左口魚中裙邊同海膽都值得一試。而炸物熟食方面表現平穩，就算同唔太into刺身式生冷嘢嘅朋友嚟食，佢哋都一樣大把選擇，而且味道仲幾唔錯㗎！最後點眼之筆係試到呢個乳豬同榴槤波波，前者係隨時出壚，職員會大聲宣佈。而榴槤波波則係喺餐牌上，味道都出色，愛榴槤嘅朋友仔必食！