DAMUN韓國料理 (已結業)

工作關係，經常出末銅鑼灣一帶，行過呢頭多次俾佢大廈外牆張醬油海鮮雜錦大海報吸引住，今次終於有機會來一試。一坐低即叫，入面有醬蟹兩隻、醬鮑魚兩隻、同醬蝦4隻，全部都新鮮同埋醃得好到位，不太咸但好入味，蟹都幾多膏吓，蝦亦十分大隻爽口，鮑魚質感脆脆嘅好特別，本人喺韓國只食過醬蟹，估唔到呢度醬蟹同樣出色之餘，蝦同鮑魚都好得！呢度另一個招牌菜，非醬燒牛肋骨莫屬，廚師烤得熟透嘅同時可以保留肉汁，配埋韓燒醬汁，滋味非常，專業的當然好味過我地自己燒嗰啲啦！ （偷笑）嚟到呢度，見到𨋢門一開已放滿酒瓶，入到餐廳更見到酒吧位陳列多款罕見的韓國酒，我地當然都叫了燒酒配海鮮，及米酒配肉，支米酒值得一提，係2016國家指定宴客酒，味道十分清新帶少少甜，亦可以聞到米香，同平時飲開的米酒好不一樣！菜牌入面有好多不常見的菜式，期待下次人多些可再試更多新菜！