禧哥酸菜魚 (已結業)

尼間鋪頭出名佢地嘅烤魚，係非常好食， 今次我哋就試咗下佢地嘅酸菜魚，手撕包菜同埋小酥肉。先講下個酸菜魚先啦，整體酸度非常適中，唔會太酸，拌飯一流。入面嘅配料齊全，有芽菜，酸菜，白菜等… 尼d 蔬菜吸曬d 湯汁，仲吊出菜嘅鮮甜味。魚肉肉質鮮嫩，無咩刺，整體水準遠超平均。手撕包菜更係無得彈，極有鑊氣，爽脆口感，加上入喉之後嘅鮮甜，仲有辣椒增添風味。小酥肉外脆內軟，肉質軟，脆炸香味四溢，簡直一流。強烈推薦大家去試！