我是酸奶君 (已結業)

我自己個人就勁鍾意酸奶呢樣嘢嘅，有時行過便利店都會買啲酸奶嚟飲下。今日行灣仔路過一間酸奶君，我呢過酸奶控自不然一定要試飲下。叫返個平平哋嘅吃米酸奶試下水溫先，見佢有加紫米嘅我就更加鍾意啦！酸奶本身唔差嘅，係平時飲開嘅味道；而紫米雖然冇乜特別米香味但係食落煙煙韌韌咁，口感幾好。而且佢紫米都落得好足料，唔似有啲紫米露得一羹紫米，呢個係飲落啖啖都係滿滿的紫米同酸奶。下次都想試下個吃米特濃酸奶，唔知紫米溝oreo溝酸奶又會唔會擦出啲咩新火花呢？