名館 (已結業)

好耐冇黎銅鑼灣食野。今日去左名館食晚飯。好鐘意呢度既feel。餐廳裝飾靚之餘，間餐廳又係14樓，可以睇到銅鑼灣既夜景，其實幾有feel。叫左個燉湯黎飲。金石斛花燉鹧鴣。第一次飲呢個湯，碗湯燉得好夠味。我諗應該燉左好耐，鷓鴣既骨已經係燉到入口即溶。骨頭都可以入口即溶，真係好勁。個湯擺左好耐都好熱，飲落口勁舒服。鐘意佢夠足料，而且價錢公道，抵食。之後叫左個黑椒雪花牛仔骨。68蚊，價錢冇得講。一上菜，好大陣黑椒既香味，熱辣辣。牛仔骨唔會煮得太老，口感鬆軟，加埋黑椒既香味，好惹味！仲叫左個飯焦鳳凰蝦，呢個係我今日最鍾意既菜色。個炒飯加埋飯焦真係好香，食到停唔到口。飯粒粒分開，仲有大大粒既鳳凰蝦，大約有7至8隻，真係落足料！飯焦加埋鳳凰蝦，個味道真係好香。88蚊大大兜，咁多蝦，算係抵架啦！最後叫左杯自製有機豆漿，原來係裝係依家好流行既燈膽杯，幾得意。其實豆漿個個都係冇話好特別，因為我唔係好識得飲豆漿，但覺得好飲係因為個豆味好重，同我細個媽咪自己整既豆漿一樣，好足料好香。而且自製豆漿其實係冇咩甜味，所以出邊飲既豆漿好甜，係因為放左好多糖。而呢個豆漿放既糖比較少，所以可以飲到比較清甜同埋好濃既豆味。