雲海一線 (已結業)

在銅鑼灣區，如果想食米線，今日又畀我發現多一個新選擇，就係<雲海一線>。小店供應米線選擇有好多款式，混合咗雲南風味，同埋港式口味，就連酸菜魚同雞絲冷麵都有，而自家製嘅小食都有好多款，例如有小籠包、餃子、鍋貼、小雲吞、港式炸雞翼、豆沙鍋餅、蔥油餅都有，非常多元化。<雲南秘製豬扒伴米線>豬扒外面炸得微微香脆，咬落去亦夠鬆化，唔會好乾，而且味道亦相當入味，而拌麵嘅米線就用咗特製醬汁來拌，入口帶微微酸辣感，惹味好食。<自選米線>自選米線材料非常之多，有韭菜、芽菜、白菜、酸菜等等，令到湯底非常之香濃惹味。至於配料方面，我就揀咗鎮江骨同埋肥牛，鎮江骨入口啖啖肉，而且味道酸甜開胃，肥牛亦入口鮮味，加上米線吸收曬香濃湯底，味道確係好食。小食我哋order左雲南黃金炸豆腐、豆沙鍋餅、鍋貼，特別推薦豆沙鍋餅，豆沙餡料夠多，外皮香脆好食。另外叫左凍奶茶，味道正常，吾會過甜。下次想食米線，呢道會係一個好選擇。