更多
2022-09-07
313 瀏覽
晏晝行完中環街市，就跟著扶手電梯順勢上半山睇下有咩好晚飯食。沿閣麟街上斜，見到一間蛇王芬，頓時諗，響中環咁西化既地方都有間咁地道既蛇店，好，就入去一探究竟⋯店內環境就係傳統既中式餐廳，木枱木凳都帶有懷舊既味道。有趣既係，播放既係現代既爵士樂，同店內環境加埋唔知會唔會有化學作用？睇埋餐牌就決定叫以下幾樣：豬肺湯、臘腸蛋白炒飯、西檸雞同埋蟹肉西蘭花。先上燉湯。一上枱係滾熱既，南北杏味重，豬肺亦冇異味，可見處理得夠細心，湯亦鮮甜，總算有個好開局跟著上既係西檸雞。薄薄既炸衣，配上嫩滑嘅雞肉，做到外脆內軟。加埋酸甜剛好既檸檬汁，可謂相輔相成。再上一道臘腸蛋白炒飯。切薄片既臘腸加埋蛋白、生菜絲同蔥，簡單既幾樣食材加埋師傅了得既功力令每樣食材都發揮到佢地既長處，加上碟底冇咩油，加分。最後上既係蟹肉西蘭花。西蘭花面鋪滿蟹肉加蛋白，簡簡單單又健康。最後兩人埋單四百幾，間唔中黎哩一類食店都係一種新鮮既體驗。
店內環境就係傳統既中式餐廳，木枱木凳都帶有懷舊既味道。有趣既係，播放既係現代既爵士樂，同店內環境加埋唔知會唔會有化學作用？
睇埋餐牌就決定叫以下幾樣：豬肺湯、臘腸蛋白炒飯、西檸雞同埋蟹肉西蘭花。
先上燉湯。一上枱係滾熱既，南北杏味重，豬肺亦冇異味，可見處理得夠細心，湯亦鮮甜，總算有個好開局
跟著上既係西檸雞。薄薄既炸衣，配上嫩滑嘅雞肉，做到外脆內軟。加埋酸甜剛好既檸檬汁，可謂相輔相成。
再上一道臘腸蛋白炒飯。切薄片既臘腸加埋蛋白、生菜絲同蔥，簡單既幾樣食材加埋師傅了得既功力令每樣食材都發揮到佢地既長處，加上碟底冇咩油，加分。
最後上既係蟹肉西蘭花。西蘭花面鋪滿蟹肉加蛋白，簡簡單單又健康。
最後兩人埋單四百幾，間唔中黎哩一類食店都係一種新鮮既體驗。
張貼
