鼎王麻辣鍋 (The LOHAS) (已結業)

鼎王麻辣鍋嚟咗香港已經一段時間，終於等到熱潮減退，唔使等都可以食到。是日有要事要去將軍澳，所以就順便去試吓台灣過江龍火鍋。第一次喺台灣食，其實已經好鍾意，係台灣嘅水準好高，每次去台灣都必定會去鼎王或者無老鍋☻︎☻︎坦白地講，見到價錢已經有啲失望，因為一個字，貴。今日我哋叫咗個限定優惠，一碟180g牛頸脊+180g日本黑豚肩肉已經要$528∴∴∴份量亦都唔多，立即有啲掛住港式火鍋嘅本地手切牛ᜊᜊ不過其實肉嘅質素係唔錯嘅。我哋叫咗鴛鴦鍋，辣度同酸度都有得揀，呢個亦係賣點之一。由於有無限量供應嘅鴨血同豆腐，再加酸菜，其實唔使嗌太多食物都已經可以好飽。另外我哋仲有叫魚皮，配麻辣湯底一流。其他食物例如芝心丸，魚皮餃，就不過不失。最後兩個人叫咗少少野買單要$9xx...整體來講，食物係有質素，但係如果有得揀，喺香港我會揀返港式火鍋，鼎王麻辣鍋，我諗我都係留返係台灣先食啦✌︎✌︎