聯邦郵輪宴會中心 (已結業)

開咗架新巴士去郵輪碼頭，於是就八八卦卦去行下，點知除咗好多地產Agent之外就乜都無，結果入咗黎呢間野食咗個Tea，普通正常野啦。公司三文治都OK嘅，佢嘅好處係唔算好大份，所以可以試多D其他款式嘅食物。佢個方包如果再烘燶少少應該會再好食D，呢個公司三文治入面D蕃茄生菜嘅質素都唔錯，算係新鮮嘅。雞中翼配薯角都係正常茶餐廳風格，味道還可以，不過係有個別一隻半隻雞翼比較瘦弱，另外薯角佢係用入面好粉嗰隻貨，味道基本上如果無炸燶無翻炸嘅都唔會太差嘅。飲埋兩杯野，都係凍檸茶同熱奶茶，合共$125，郵輪碼頭梗係要比人蹂躪啦。