雲貴軒米線專門店

營業中

休息中

原本打算去天水圍新北江食好鬼出名嗰間雲南米線，點知去見到多人到嚇死人😅我都係唔鍾意做排隊黨，一個轉身就去左雲貴軒~老實講我都唔係未食過嗰間人氣米線，但真係未值得排隊去食掛。。。而雲貴軒呢，坐位起碼闊落得多，起碼坐得舒舒服服（不過今日坐左邊邊位冇乜冷氣，食到我出哂汗🥹）兩個食肉獸嗌嘅餸都係肉，豬大腸、炸豬扒、鎮江排骨、豬軟骨！幾款餸都醃得好入味好好食，只係炸豬扒外皮係脆，但肉質一般，下次都係唔揀啦！跟餐叫左杯百香果愛玉冰紅茶，嗌左少冰少甜，但都係甜到漏，懷疑冇跟order 😅中伏整體黎講不過不失，可以幫襯，但要選擇性避免中伏。