沙嗲王 (已結業)

行街行到攰，唔想再行去搵野食，於是上左去食白咖哩豬扒飯。好耐無食，發覺餐牌多左好多野揀😳點了蟹粉豆腐鍋、白咖哩豬扒飯、鹹蛋雞翼同鮮芒西米沙冰豆腐鍋偏鹹，送白飯較好；豬扒飯就跟過往味道差不多；至於雞翼，真係極度邪惡！我已經唔係上碟後即食，但仍然熱辣辣！外脆內多汁，味道唔會太鹹，真係有鹹蛋味！唯一缺點係，六隻雞翼入面有兩隻入面唔熟，應該係雞翼太肥厚或解凍不足所致，我留意到係因為見到有少少血水滲了出來，不過通知侍應姐姐後，佢地好快處理，數分鐘後換來兩隻新炸起的，我滿意她們的態度。