龍門冰室

今日男朋友過黎銅鑼灣接我放工, 好開心! 🥰前果排太忙碌, 好耐無去拍拖👫, 今日總算可以抽到時間見面傾計! 雖然今日係閒日, 但呢間餐廳的捧場客好多, 大概7點左右去到餐廳門口, 已經有十幾個人排隊等入座。係外面等緊的時間, 發現原來呢度都有好多唔同種類的食物可以揀, 總有一款岩心水。


我地大概等左15分鐘左右就入得啦, 餐廳入面都幾大, 好多位, 不過每個位都有少少逼, 但都接受到。我叫左鐵板餐配凍鴛鴦, 男朋友就叫左dinner set 配熱奶茶, 兩個餐都包餐湯 (羅宋湯)。餐湯酸酸辣辣, 睇得出佢地落左好多料的, 不過有少少稀。而飲品就好正路, 細細個食開的茶記味道。

羅宋湯

爵士西冷扒拼香草腸鐵板餐 ($95)

爵士西冷扒拼香草腸鐵板餐

$95

凍鴛鴦

食牛扒配黑椒汁就最夾架啦! 呢個的黑椒汁好稠好濃, 辣味適中, 岩哂我呢D想食辣, 但又唔係好食得辣的人😆 塊西冷好大塊, 亦好易切, 咬落去牛味幾香, 好有肉汁💦而且嫩滑, 唔會韌! 唯一美中不足既係中間有一少部分係肥膏, 有D油膩。而香草腸比我想像中大條, 好粗身, 入面的香草味好濃。腸皮煎過, 所以脆脆地幾好食! 牛扒的下方放左薯條, 不過個餐分量太大, 我食完塊扒同埋條腸之後已經食唔落D薯條了…


芙蓉蛋蝦仁叉燒飯 ($55)

芙蓉蛋蝦仁叉燒飯

$55

熱奶茶

男朋友叫左呢個餐, 望落個份量都係好大, 真係好抵食! 我試左兩啖, 叉燒偏瘦, 不過有D醬汁一齊食, 都未至於好乾。至於芙蓉蛋蝦仁方面, 味道都OK, 不過蝦仁比較少, 只有幾粒, 所以我都係食左少少JA 😜