花串日本料理

營業中

休息中

心血來潮好想食烏冬，無奈以烏冬做主打嘅地方又唔多，揀下揀下都係搵間日本料理滿足左我先！餐牌選擇多，lunch $145起，價錢可以接受，難怪午市座無虛席。原來menu冇乜烏冬嘅option🙄最後揀手卷拼牛肉烏冬呢個餐😛牛肉都幾多油脂，滑就幾滑，但令到成個湯底偏油，配左少少洋蔥、大蔥同金菇，整體幾好食，滿足左我嘅烏冬癮😆配兩個手卷其實一定夠食，但又貪心加$50要埋刺身😆一上碟個份量我係有啲嚇親，加$50竟然有咁多，3件三文魚好厚切，兩隻帆立貝切開共4件，帆立貝好大隻好新鮮😍兩個手卷都唔講得笑，勁足料，海膽有幾排，好甜，Toro多數太肥太油我自己唔係好啱食，但呢個剁成魚蓉大大減低嗰種一口油嘅感覺。兩個手卷都係難得食到最底都仲有餡👍🏻👍🏻整體覺得唔錯，份量好多，食得好飽，但一個鐘要交枱就有少少趕趕地。