碼頭故事 (已結業)

又到秋冬，凍左好多，又係時候要打邊爐啦! 呢間碼頭故事睇落幾正，一於試下。入面啲裝修都幾盞鬼，好多霓虹燈。坐得舒服，位同位都隔得開，仲有卡位坐。入門口之前會探熱，消毒手同埋個身，唔錯。一坐低就有小食比你，我中意啲瓜子，咸咸甜甜，有奶油香。邊爐最緊要係湯底，我簡左麻辣小辣同蕃茄。 小辣都算幾辣，個湯好多花椒辣椒。呢三樣應該最出名門口見到毛肚都好靚，一於試下都幾大碟，同埋佢好新鮮好脆口安格斯牛肉，唔會超肥，岩我，碌到岩岩熟，食落唔鞋口呢到既羊肉都好味，肥瘦適中，又唔太so蝦滑份量多，有3 枝，新鮮彈牙，食到有蝦肉，唔係一團粉西洋菜都好新鮮，好甜薯粉超煙韌，配埋個湯底好食，值得一試