味之時計台 (已結業)

香港人食拉麵/沾麵都係偏好重味同油。我真係唔識欣賞，所以想搵間岩心水都唔係咁易。今次呢間開係旺角新商場既拉麵就大約做到我想要既野佢係北海道拉麵店，黎香港開分店。地都好寬敞，唔會好似d好細既拉麵店密麻麻咁，坐得唔舒服。叫左一個豚骨鹽味拉麵同鹽味拉麵豚骨鹽味拉麵一黎就飲啖湯先，湯底唔錯，有豬骨香，又唔會太濃，不過食到中途就有少少鹹。麵既掛湯效果唔錯，爽口得黎唔會太硬。叉燒方面都好惹味但係都係偏肥。蛋就有d過熟，唔太出色鹽味拉麵就淡口少少，無咁濃，但係都幾香口。我比較鐘意。其他方面同豚骨鹹味相約。整體黎講，合格但係唔係特別出色。相對其他香港拉麵店無咁油同濃味，但係都係偏鹹。有改善空間