上海姥姥 (新達廣場)

二人嚟個輕食，本身一心諗住食個下午茶 ，但係啱啱過咗時間，唯有揀一啲小食吃，我哋叫咗酸辣湯、素鵝、小籠包、香辣貢菜，本身諗住叫多兩款小食，因為太趕時間留待下一次機會啦！
酸辣湯 ：平時出面食落口好似好多粉漿，但呢度真係正常一點，味道個人認為比較酸了少許！
小籠包：皮質硬了少許，但包內湯汁比較豐富
素鵝：非常脆口，材料豐富！我特別喜歡呢個菜
香辣貢菜：比較有驚喜，平時好少機會食，係涼菜並且爽口，會食過不停
下次多啲人嚟，一定會試吓酸菜魚！佢餐牌上嘅賣相已經好吸引