蠔站 (樂富廣場) (已結業)

見到FB介紹，所以同朋友過來試下。10蚊一隻生蠔，真係好吸引。生蠔來自世界各地，聽老闆講次次都有機會唔同，而我今晚撞正係韓國的，海水味偏淡，我個人還是偏好法國Coffin Bay生蠔較多。不過生蠔肉質厚爽，還是可以過返次蠔癮。而另外點了四式芝士Pizza，Cheese味濃郁，但太鹹。跟住要咗個啤酒味薯條，雖然冇啤酒味，但好好食，咬落去薯仔好纏綿的感覺，口感好好，好豐富。另外叫了黑啤，本來以為德國的，原來原產地馬來西亞，酒味好濃，酒精濃度6.8%，但有點帶酸，我自己個人麻麻。不過整體滿意，樂富地鐵站A出口出轉左直行就可以見到。