更多
2021-06-06
218 瀏覽
餐廳方便,用QR code 落單。快捷省時!Menu有埋圖,睇到大概個餐大概咩樣,夠清晰。呢度有壽司、魚生、熟食唔同定食午餐,我哋都比較鍾意食壽司🍣所以揀咗壽司套餐~壽司套餐$98, 估唔到都相當豐富。首先會有茶碗蒸及麵豉湯。茶碗蒸熱辣辣,幾好食。蛋幾滑有蟹柳、日式魚蛋。麵豉湯亦都係夠熱,有海帶油揚。壽司拼盤有11件。三件係蟹子三文魚青瓜卷。三文魚幾肥美,入邊青瓜爽口,卷物都幾大件。另外有吞拿魚、油甘魚、三文魚、帶子、熟蝦、鰻魚、三文魚子軍艦及吞拿魚肉軍艦。軍艦嘅紫菜新鮮包,所以夠脆,三文魚子夠鮮。整體其他壽司質素都幾好。
張貼