養心殿台式養生鍋 (已搬遷) 新店位置

朋友話旺角有間養生鍋的邊爐好受熱迎，好啱女仔食，價錢又唔太貴，今日趁星期五就同朋友過黎試下啦。夜晚都幾多人下，有幾個人係到等緊，等咗15分鐘左右有位，入面座位較多，坐得寬落。可以揀咗湯底先，再散叫一啲肉類丸類，菜，鴛鴦鍋湯底都只係以較高價收費，唔另加錢主角到啦，左邊養生鍋，有人參同多種藥材，色澤較白，鮮甜，右邊係美人鍋，有半隻烏雞，肉超淋，嫩滑，仲有其他藥材，桃膠超彈牙，有豐富膠原蛋白，好補呀，我地都係先飲咗幾碗湯再落餸打邊爐，好满足，飲到唔停口半份自家製極品水餃，有大粒鮮蝦，爽口木耳，少許豬肉，皮薄手工丸類拼盤，12粒，6款丸，蝦丸彈牙鮮甜，墨魚丸結實，肉多，牛丸新鮮，入面有芝士鮮製響鈴，有6條，又大條，炸得十分香脆雜菜拼盤，每款菜都新鮮，特別係粟米，粒粒飽满寬粉條，晶瑩剔透，好彈牙，一煮就熟，淋身，有咬感，吸晒湯汁味。