更多
2023-01-10
1680 瀏覽
Uluru係一間好有特色嘅主題餐廳，朋友食完之後強烈推介俾我。餐廳喺灣仔春園街，全店以黑白色做主調，門口都好易認。首先要上一條長長嘅黑白樓梯，慢慢進入一個夢幻世界。白牆上用人手畫上唔同嘅黑色壁畫，藝術感滿滿。原來餐廳佔地好大，坐得特別寬敞。 是日餐湯係【粟米忌廉湯】，香甜又有粒粒粟米碎粒。【阿根廷紅蝦剌身配蕃茄沙沙多士】未食先瘋狂打卡，兩隻大嘅阿根廷紅蝦刺身，膠質豐富，放喺脆脆嘅多士上面，再用番茄粒同食用花做裝飾，仿如一個藝術品。【Hot Tiramisu coffee】Espresso、Tiramisu糖漿、朱古力奶同朱古力醬調製出嚟嘅特飲，配上超可愛嘅熊仔圖案，啱晒咖啡控嘅我！【Virgin Peach Mojito】新鮮薄荷、新鮮青檸，味道清新，配埋香甜蜜桃醬，冰涼清爽！【慢焗美國安格斯牛胸肋骨】不得不讚，牛胸肋骨煮得極出色，香軟腍滑，輕輕一叉已經可以分開啲肉，肉味濃郁，回味無窮！【ULURU 特色燒肉拼盤】肉眼、豬柳、雞扒件件份量十足，連香草腸都有四條，再包一份即炸粗薯條，好飽呀！食啲沙律菜可以減低膩感。最後一定要叫甜品，【富士山芝櫻祭 - 丸久小山園抹茶Tiramisu】同【
餐廳喺灣仔春園街，全店以黑白色做主調，門口都好易認。首先要上一條長長嘅黑白樓梯，慢慢進入一個夢幻世界。白牆上用人手畫上唔同嘅黑色壁畫，藝術感滿滿。原來餐廳佔地好大，坐得特別寬敞。
是日餐湯係【粟米忌廉湯】，香甜又有粒粒粟米碎粒。
【阿根廷紅蝦剌身配蕃茄沙沙多士】未食先瘋狂打卡，兩隻大嘅阿根廷紅蝦刺身，膠質豐富，放喺脆脆嘅多士上面，再用番茄粒同食用花做裝飾，仿如一個藝術品。
【Hot Tiramisu coffee】Espresso、Tiramisu糖漿、朱古力奶同朱古力醬調製出嚟嘅特飲，配上超可愛嘅熊仔圖案，啱晒咖啡控嘅我！
【Virgin Peach Mojito】新鮮薄荷、新鮮青檸，味道清新，配埋香甜蜜桃醬，冰涼清爽！
【慢焗美國安格斯牛胸肋骨】不得不讚，牛胸肋骨煮得極出色，香軟腍滑，輕輕一叉已經可以分開啲肉，肉味濃郁，回味無窮！
【ULURU 特色燒肉拼盤】肉眼、豬柳、雞扒件件份量十足，連香草腸都有四條，再包一份即炸粗薯條，好飽呀！食啲沙律菜可以減低膩感。
最後一定要叫甜品，【富士山芝櫻祭 - 丸久小山園抹茶Tiramisu】同
【ULURU二次元立體夢幻蛋糕】低甜又超級好味，加上別緻造型，滿分呀！立體蛋糕入面係鬆軟嘅蛋糕，夾有士多啤梨肉同忌廉，最可愛係有手有腳有表情嘅士多啤梨🍓，下次一定要嚟再食呀！
張貼
