更多
2019-01-12
1035 瀏覽
寒風入骨💨女朋友話要烚下烚下喎,本來唔太喜歡打邊爐嘅我,唯有捨命陪君子啦😪勢估唔到呢間大紅袍,令我愛上左打邊爐😂落左order要咩湯底之後,侍應就會拎個火鍋醬料俾我哋選擇。醬料款式都好多,其中一款辣粉就個人幾喜歡嘅。湯底方面,我哋要咗個四川麻辣湯($72)同椰子雞湯($108)。女朋友表示鍾意呢度嘅湯底,但我個人就覺得養x殿嘅湯底再惹味d😚眼前的一碟就係頂級安格斯牛頸脊($158),果然係超好食,超級嫩口。雖然係例牌,但份量絕對係夠兩個人食有凸🤟🏻另外,日本黑豚五花腩($70)性價比極高,又係大大碟,又好食🤤不過醉雞就有少少令我失望,唔夠滑啦,而且花雕酒味唔夠。。。另外手打墨魚滑($65),又係鮮味十足👍🏻兩條友足足叫左成枱火鍋料,罪惡感十足😭依稀記得埋單大概七百幾蚊,個人就覺得幾抵食嘅,因為啲料都好新鮮,同埋湯底都唔錯。最重要嘅係,大紅袍完全征服左我呢個唔鍾意打邊爐嘅人😂😂
勢估唔到呢間大紅袍,令我愛上左打邊爐😂
落左order要咩湯底之後,侍應就會拎個火鍋醬料俾我哋選擇。醬料款式都好多,其中一款辣粉就個人幾喜歡嘅。
湯底方面,我哋要咗個四川麻辣湯($72)同椰子雞湯($108)。女朋友表示鍾意呢度嘅湯底,但我個人就覺得養x殿嘅湯底再惹味d😚
眼前的一碟就係頂級安格斯牛頸脊($158),果然係超好食,超級嫩口。
雖然係例牌,但份量絕對係夠兩個人食有凸🤟🏻
另外,日本黑豚五花腩($70)性價比極高,又係大大碟,又好食🤤
不過醉雞就有少少令我失望,唔夠滑啦,而且花雕酒味唔夠。。。
另外手打墨魚滑($65),又係鮮味十足👍🏻
兩條友足足叫左成枱火鍋料,罪惡感十足😭
依稀記得埋單大概七百幾蚊,個人就覺得幾抵食嘅,因為啲料都好新鮮,同埋湯底都唔錯。最重要嘅係,大紅袍完全征服左我呢個唔鍾意打邊爐嘅人😂😂
張貼