一鮮刺身壽司 (已結業)

天后哩條街可以話係一修食街，由頭到尾兩邊都有好多餐廳，想食咩都得。見哩間店舖頭細細，只有幾個吧位，好似幾地道咁，就入去試下。全店有兩位師博，一位好具經驗，另一位應該仲係學徒。眼見好多人買外賣，估計都係做外賣居多。 食物價錢中等，不設加一。叫左一個蒲燒鰻魚飯同海膽呑拿魚腩碎刺身飯。所有便當都可配麵鼓湯、綠茶/道地紙包飲品。 麵鼓湯偏淡，無咩特别。哩到嘅飯size都係偏細。 鰻魚即叫即燒，鰻魚幾香，皮脆肉嫩。鰻魚汁唔似平時食開甜甜地個隻，係咸味重d,鐘意甜味個款多d。另外汁太少，唔夠撈飯，好唔開心。 海膽呑拿魚腩碎刺身飯賣相不錯。 海膽唔算太腥，容易入口。 呑拿魚腩俾好多，飯由頭食到未都係啖啖呑拿魚。魚腩幾滑，但鮮味就唔係幾夠。總括而言，價錢實惠，質素可以，要來個速食日本便當可以考慮！