放工去左新蒲崗Mikiki行街，又無特別約定食咩，成日食西日韓餐，一於就食番d地道野。行出商場喺正對面就有間「常聚小廚」，勁方便，係你啦！一入門已經聞到陣陣家常菜香，好似返咗人阿媽屋企食飯咁。
望住個menu，好多野都想食，未叫野食已經上左個湯飲，好懷念煮家飯，最後叫左:-
🥘 豉椒炒蜆
- 蜆夠多唔係炒殼，新鮮又肥美，豉椒醬夠香夠惹味，辣度啱啱好，啖啖都想飲湯汁。
🥢 蒜蓉粉絲蒸扇貝
- 扇貝蒸到啱啱熟，唔會蒸到老哂，粉絲索哂d汁，勁正。
🍲 粉絲雜菜煲
- 粉絲吸晒菜汁，入面有好多款唔同菜，火喉控制得好，唔會有d老哂。
🥔 燒汁蜜椒薯仔牛肉
- 薯仔切件唔算細，牛肉片嫩中帶咬感，薯仔煮到微微吸汁，夠香夠「鑊氣」。
🍖 鹹魚煎肉餅
- 肉餅厚薄適中，入面拌埋碎鹹魚粒，煎到兩面金黃微焦，外脆內軟，每口都有層次。
成枱菜都係典型香港人鍾意嘅家常小炒，冇花巧擺盤，但每款都真材實料，好夠「獲氣」，我都忍唔住叫番2支啤啤佢，暢談一番，一口食一口飲，好似返屋企飯枱嗰種自在。
📝常聚小廚
📍 地址：新蒲崗景福街43–45號地舖
#常聚小廚 #新蒲崗美食 #家常味 #豉椒炒蜆 #粉絲煲 #蒸扇貝 #薯仔牛肉 #鹹魚肉餅 #啤酒配家常菜 #啤一啤鬆鬆佢 #香港食評
