122
31
8
等級3
36
3
2022-01-02 844 瀏覽
呢間從日本大阪過江龍嚟嘅「○𝐝𝐞▽ 鯛白湯らーめん」鯛魚拉麵店非常高人氣,以鯛魚湯出名,主打3款特色拉麵,據聞魚湯極其濃厚,我一直非常想試吓其獨特之處,無奈上年開業至今都繼續有人排隊,今次終於趁前排天氣開始轉涼,排隊唔會排到身水身汗嘅時候過嚟拜訪一下。最後連埋門外落單嘅時間,我哋都只不過等咗大約半小時,星期日下午時份嚟講,個人覺得係可以接受嘅等候時間。店鋪門面以白色牆身配落地玻璃設計,整體裝修用咗較為溫暖嘅木系做主題,全店有啲位置採用咗隱藏式用燈,側邊近窗座位上亦有做咗比較明亮嘅燈光,所以整體感覺簡約得嚟又帶啲高雅。店內最先望到嘅中央位置係開放式廚房,如果坐吧檯就可以一目了然望到師傅喺面前製作拉麵嘅過程。另外佢哋嘅用餐配套相當唔錯,檯面有放咗獨立包裝嘅濕毛巾,口罩套同埋圍裙,頗為貼心。拉麵湯底獨沽一味,只賣鯛魚湯,種類就有三款,分別係「鯛沾麵」,「鯛白湯」,「鯛清湯」。另外亦有三款小食同埋一款飯類可以選擇。🔸鯛白湯拉麵($𝟏𝟑𝟖):餐牌上有介紹到湯底採用咗「天然真鯛」同埋「水」再加埋幾種貝類熬製8小時而成。一上枱魚香撲鼻,湯底呈泡狀,配料放係中間位置,有少少紅色調味粉末作為顏色點綴,整
更多
9 瀏覽
2 讚好
0 留言

呢間從日本大阪過江龍嚟嘅「○𝐝𝐞▽ 鯛白湯らーめん」鯛魚拉麵店非常高人氣,以鯛魚湯出名,主打3款特色拉麵,據聞魚湯極其濃厚,我一直非常想試吓其獨特之處,無奈上年開業至今都繼續有人排隊,今次終於趁前排天氣開始轉涼,排隊唔會排到身水身汗嘅時候過嚟拜訪一下。最後連埋門外落單嘅時間,我哋都只不過等咗大約半小時,星期日下午時份嚟講,個人覺得係可以接受嘅等候時間。
14 瀏覽
1 讚好
0 留言

店鋪門面以白色牆身配落地玻璃設計,整體裝修用咗較為溫暖嘅木系做主題,全店有啲位置採用咗隱藏式用燈,側邊近窗座位上亦有做咗比較明亮嘅燈光,所以整體感覺簡約得嚟又帶啲高雅。店內最先望到嘅中央位置係開放式廚房,如果坐吧檯就可以一目了然望到師傅喺面前製作拉麵嘅過程。另外佢哋嘅用餐配套相當唔錯,檯面有放咗獨立包裝嘅濕毛巾,口罩套同埋圍裙,頗為貼心。

拉麵湯底獨沽一味,只賣鯛魚湯,種類就有三款,分別係「鯛沾麵」,「鯛白湯」,「鯛清湯」。另外亦有三款小食同埋一款飯類可以選擇。

🔸鯛白湯拉麵($𝟏𝟑𝟖):
餐牌上有介紹到湯底採用咗「天然真鯛」同埋「水」再加埋幾種貝類熬製8小時而成。一上枱魚香撲鼻,湯底呈泡狀,配料放係中間位置,有少少紅色調味粉末作為顏色點綴,整體賣相吸晴,亦令人感覺有心思。配料方面有薄切叉燒,鯛魚肉碎,洋蔥粒同埋蘆荀粒。碗邊有啲柚子醬,相信係專俾客人食到中後期如果開始覺得太腬,可以放落湯裡面解膩。
鯛白湯拉麵
$138
13 瀏覽
1 讚好
0 留言

一入口我極為驚艷,因為湯底魚味相當濃郁,繼續食落去更加覺得口感的確好幼滑豐腴,裡面更加有唔小嘅鯛魚肉碎,味道鮮甜,我幾乎全碗湯飲哂。麵條方面選用咗幼身直麵,口感偏軟腍但不失彈牙,配料嘅薄切叉燒質感嫩滑,連湯一齊食都食到佢嘅肉味濃厚,加埋洋蔥粒同蘆荀粒,整體口感豐富,每一口都好滿足。

鯛白湯拉麵
$138
7 瀏覽
1 讚好
0 留言

🔸櫻木煙燻溏心蛋($𝟏𝟓):
呢度嘅三款拉麵同樣無加入蛋作為其中一樣配料,如果想要蛋需要另外加錢。呢度嘅蛋以櫻木屑輕輕煙燻過蛋嘅邊緣,除咗蛋嘅邊位之外,成隻蛋嘅煙燻味道都唔太重,不過火候剛好,金黃色嘅半熟蛋黃比例完美,加返落個湯裡面一齊食感覺更加完整。

🔸鯛沾麵($𝟏𝟒𝟖):
坐窗口位置嘅我哋,當呢碗沾麵上枱時即刻引嚟外面排隊嘅人注目,因為佢呈現嘅方式頗為霸氣,一縷縷輕煙從金色嘅碗裡面冒出,視覺上相當吸晴。湯底方面比鯛白湯更為濃厚亦更鹹,入口有回甘嘅感覺,可能因為咁,旁邊亦提供咗一小舊青檸,應該係當覺得太鹹時可以將青檸吱入湯底裡面中和。而湯底嘅配料就有唔小嘅豚肉碎,洋蔥粒同蘆筍粒,每舀一啖湯同時亦會舀到配料碎,所以食落都幾有嚼口。
鯛沾麵
$148
11 瀏覽
1 讚好
0 留言

沾麵嘅麵條係佢哋店鋪原創嘅波浪形麵條,睇落同關廟刀削麵好似,但沾麵嘅口感更實在,亦更煙韌。
鯛沾麵
$148
22 瀏覽
1 讚好
0 留言


🔸炸鯛魚皮($𝟒𝟖):
一份有兩片,咬落相當香脆,毫無油膩感或油膱味,單食或點旁邊嘅蠔肉橄欖油都同樣惹味。不過味道雖然唔錯,比普通炸魚皮更香口,但又未到相當驚艷。
鯛魚皮
$48
9 瀏覽
1 讚好
0 留言

🔸日式炸雞($𝟒𝟖):
呢度嘅炸雞聲稱係得到「日本唐揚協會」認可,一碟有三大舊,即點即炸。外皮唔算好薄但口感夠香脆,肉質嫩滑之餘肉汁亦好豐富,一咬落肉汁瞬間喺口裡面爆發。
日式炸雞
$48
12 瀏覽
1 讚好
0 留言

旁邊有啲薑黃粉配埋,味道帶小辣,個人就喜歡唔點嘅原汁原味多啲。
日式炸雞
$48
5 瀏覽
1 讚好
0 留言

呢度已成為個人心中香港拉麵Top 5嘅其中一位,因為店家無論係麵條,湯頭或配料上面都相當講究,感覺有認真去研究每個細節可以點樣為食客帶嚟更豐富更唔同嘅體驗,而個人認為佢由味道,口感,賣相呈現同份量方面均係近乎無可挑剔。雖然以拉麵嚟講價錢偏貴,不過香港較少有專食鯛魚湯拉麵嘅麵店,如果同樣喜歡濃厚魚湯嘅朋友,個人覺得絕對值得一試👍🏻!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-12-12
等候時間
30 分鐘 (堂食)
人均消費
$200
推介美食
鯛白湯拉麵
$ 138
鯛白湯拉麵
$ 138
鯛沾麵
$ 148
日式炸雞
$ 48
日式炸雞
$ 48
  • 鯛白湯拉麵,鯛沾麵