老媽拌麵 (將軍澳中心)

營業中

休息中

夜晚睇戲前諗唔到食咩好，男朋友就提議黎呢度食，果然有d驚喜我地首先叫咗個麻辣鴨血，入面既份量都唔少，仲有芽菜、娃娃菜同豆腐，個汁都頗為香辣，鴨血好入味，每啖都爆曬汁我地加咗$18要冷泡茶，支茶有d草青味，唔係完全冇味既，不過又唔係甘甜咁樣。之後就叫咗個川味紅燒半筋半肉牛肉麵（加麵）黎share，我地叫咗幼麵，冇乜特別，不過加咗麵個份量都係較少，牛肉得2塊，一厚一薄，牛筋都係差唔多得2舊，青紅蘿蔔都係各2舊，然後有條菜咁。我就覺得主角牛肉牛筋既份量可以多返少少，不過味道係唔錯既，食材都夠入味，微辣咁樣，湯底都夠濃，食得辣既朋友可以加d麻辣鴨血既麻辣汁落去食，再惹味d。