放假同朋友去左cafe hopping，呢間精品咖啡店超高質！主打西日式料理、自家製甜品🍮，重點係佢哋供應本地烘焙豆，每月仲有來自不同產地的單品咖啡豆輪流登場，咖啡控必訪！
北海道帶子明太子汁意粉
帶子煎得金黃微焦，鮮甜彈牙，明太子汁creamy得嚟唔膩口，意粉掛汁力滿分，鹹香十足！
BUFF全日早餐
超豐富！照燒雞扒嫩滑帶蜜糖香，炒蛋滑溜，楓糖窩夫外脆內軟，沾糖漿真係邪惡到極點！😈
手打蝦堡厚吐司伴薯條
手打蝦餅超厚身，炸到金黃酥脆，仲食到粒粒蝦肉。厚吐司烘得香脆，夾住清爽生菜，配埋粗身薯條，滿足感🆙！
慢煮雞胸柚子沙律
慢煮雞胸肉唔乾柴，柚子醋清新開胃，沙律菜新鮮爽脆，好清爽！
炙燒芝士雞肉棒
雞肉棒混入軟骨增加口感，面層炙燒芝士鹹香惹味。
西柚冷萃咖啡
西柚果汁嘅酸甜完美平衡冷萃咖啡嘅醇厚，入口先係果香，後有咖啡回甘，夏日解渴首選！
好適合假期嚟chill下～ 佢哋自家製甜品都好出名，下次一定要試！
