影片
更多
2007-01-20
曾幾何時開始，排隊已經變成香港特色之一。星期五晚去到銅鑼灣都仲係咁人山人海，我坐完船番嚟覺得好肚餓，想食一啲飽肚但又唔heavy嘅食物，所以選擇咗食壽司。到銅鑼灣食大眾化價錢嘅日本嘢，我同阿K嘅首選係「板前壽司」。我去到門口攞籌，冧巴係305號，叫緊嘅號碼竟然係92號，大佬呀，已經成九點幾，仲有咁多人！305號嘅籌，等到嚟都可以食早餐。我地唯有行前少少到呢間「羽壽司」等，攞到嘅籌係200號，叫到191號，都幾合理，心諗可能呢度啲嘢冇咁好食啩。等到九點半鐘就輪到我地。呢度壽司嘅款式比板前較少，睇到某啲食評話呢度啲壽司飯唔掂，我地就好好彩，可能唔同師傅嘅關係，我地一致認為啲壽司飯握得幾實，醋同飯嘅比例啱啱好，比板前嘅優勝。至於壽司用料方面，基本上同其他同級數嘅壽司店差唔多。以板前做基準嘅話，我嘅評價係：鱈場蟹柳：呢度比較鮮味少少，羽勝；三文魚：顏色比較淺色，望落冇咁新鮮，板前勝；牡丹蝦：與板前差唔多，都係幾鮮甜，和；帶子：味道淡咗啲，板前勝；海膽：食唔出有乜嘢海膽味，板前勝；軟殼蟹：鬆化程度差唔多，和；我同阿K仲食咗一碟火炙芝士炸蝦壽司(個名係我估嘅)，幾好味，芝士燒到啱啱燶，芝士混合炸蝦
等到九點半鐘就輪到我地。呢度壽司嘅款式比板前較少，睇到某啲食評話呢度啲壽司飯唔掂，我地就好好彩，可能唔同師傅嘅關係，我地一致認為啲壽司飯握得幾實，醋同飯嘅比例啱啱好，比板前嘅優勝。至於壽司用料方面，基本上同其他同級數嘅壽司店差唔多。以板前做基準嘅話，我嘅評價係：
鱈場蟹柳：呢度比較鮮味少少，羽勝；
三文魚：顏色比較淺色，望落冇咁新鮮，板前勝；
牡丹蝦：與板前差唔多，都係幾鮮甜，和；
帶子：味道淡咗啲，板前勝；
海膽：食唔出有乜嘢海膽味，板前勝；
軟殼蟹：鬆化程度差唔多，和；
我同阿K仲食咗一碟火炙芝士炸蝦壽司(個名係我估嘅)，幾好味，芝士燒到啱啱燶，芝士混合炸蝦味都幾特別。因為响板前冇食過同類型嘅食物，所以無從比較。最後埋尾嘅係一個雜錦鍋燒烏冬，內裡材料頗豐富，有天婦羅炸蝦、照燒雞、冬菇、金菇、蟹柳再加一隻生嘅蛋。烏冬口感煙韌，配合蛋汁混在其中，令成個湯變得滑又有蛋味，我地兩個人都食得不亦樂乎。
埋單二百一十蚊，個人覺得比板前平少少。總括嚟講，飯係呢度取勝，料就板前佔優，款式亦較多，所以我認為「羽壽司」僅僅輸個馬鼻。
張貼