Pokka Cafe

今日同媽咪嚟咗呢度食下午茶. 今日好靜, 間餐廳客人唔多, 所以唔洗等位就有得坐底.

決定試佢哋0既下午茶套餐, 我叫咗個忌廉磨菇雞絲意粉加凍檸茶, 媽咪就叫咗個豬軟骨拉麵加熱檸水. 啲嘢食上得唔係好快, 等咗耐耐哋先到.

豬軟骨拉麵

幾好食, 啲麵幾彈牙, 啲肉幾淋同夠味, 湯啲味啱啱好, 唔會話過鹹或者過淡咁!

忌廉磨菇雞絲意粉

份量比我想像中細, 唔係太夠飽, 不過味道都 OK, 唔會話太油膩.

凍檸茶

賣相唔錯, 不過茶味有啲淡, 加咗糖漿都 OK 0既.

總括嚟講都 OK, 環境算幽靜, 不過服務就慢咗啲啲, 上菜同埋單都要等一段時間.