最重要係比起油尖旺，呢邊真係舒服好多
趁雙11又過咗嚟呢邊行街搵嘢食
見到個性價比高嘅二人餐推介俾大家！
個餐$428蚊唔洗諗食咩又有得食片皮鴨
平日夜晚除咗有幾枱二人卡位撐枱腳
仲有幾枱大枱似乎係屋企人食飯
有四人、六人餐都幾抵食，經濟實惠之選！
二人餐前菜係雞絲粉皮中規中矩～
不過份量唔少，味道比我印象中多咗啲醋
加埋啲青瓜同芝麻醬都幾清爽開胃
最正嘅係有兩盅杏汁白肺湯🤤
除咗豬肺之外仲有雞腳，足料濃郁！
杏汁味道唔算突出，反而係後面淡淡咁湧出嚟
天氣轉涼亞洲胃都係鍾意有啖熱湯飲吓好暖～
有半隻烤北京填鴨，其實兩個人唔太食得晒
個皮仲保存到個油香，鴨肉偏瘦唔會太油膩
鍾意佢有哈蜜瓜仲有個桂花蜜比較特別！
甜甜地夾埋西芹青瓜，罪惡感立刻減半😆
仲有個小菜野菌紅燒豆腐同兩碗白飯
甜品係每人一件杞子桂花糕～的確抵食！
1
