源祖之味古早蛋糕店

心思思想食古早味蛋糕，終於開到入黎北區啦！

之前經過食過海苔肉鬆，面頭肉鬆鹹鹹香香又香脆、蛋糕有蛋香味，又鬆軟，軟綿綿非常夾呀！拎到返屋企即時清曬。

而今次就試下芝士愛肉鬆同雲石紋朱古力 ，一個熱食一個凍食

芝士愛肉鬆，返到屋企叮30秒，芝士有少少流心，肉鬆鹹香鬆脆，夾埋綿綿既蛋糕，正呀！

雲石紋朱古力，熱食已經好好味，朱古力味香濃，又唔太甜，我就鐘意放入雪櫃雪凍食，另有一番風味。

而每次出爐只有十件，賣完即止，所以去之前當然要上網睇定出爐時間，再預早時間去排隊，咁就唔會錯過心水口味蛋糕啦😋！下次想試埋伯爵茶同流心鹹蛋黃😍