正宗山西刀削麵皇

營業中

休息中

星期日例牌會出街買嘢，差唔多中午時間嚟到路德圍搵嘢食，唔知食咩好，就求其入咗嚟呢間店食刀削麵。見到廚房真係有師傅削緊一嚿大麵團，我又未食過刀削麵，我哋就叫咗兩個兩餸刀削麵套餐。我揀咗紅燒豬手同豬腸刀削麵，豬手就得兩件唔算太多，反而豬腸就有好多件，豬手同豬腸味道都OK，唔會太重口味，啱晒我。男朋友就揀咗五香牛𦟌同牛肚，份量都真係幾多，牛𦟌有六片，都幾大塊；牛肚都好多條。湯底份量係多嘅，麵條粗得嚟咬落都幾煙靭，但湯底就唔係腩汁嘅味道，似係啲黑蒜味，不過不失。另外套餐係送豆漿，我哋叫咗一熱一凍。