極上冰室

營業中

休息中

午餐今日喺尖沙咀食，路口見到有間好大間嘅冰室，食物選擇都好似好多，就入去一試。雖然時間到左2點幾，但都有keep住有人客，遊客都唔少。餐廳用qrcode落單，實體menu都有齊中英文，對旅客黎講都會好方便。我就叫左個芝士焗鮮茄厚切豬扒飯，餐跟紅湯，熱飲+$3羅宋湯多料，味道啱啱好，唔會太濃，蕃茄，蘿蔔，西芹等等，開胃好飲。芝士焗鮮茄厚切豬扒飯，雖然叫左細份，但望落都大大份，面頭芝士夠熱，做到拉絲效果，茄汁底夠濃稠，蔬菜份量都夠，好啱撈飯。而飯底係蛋炒飯，色水金黃，粒粒乾爽，食落有咬口。豬扒厚切，唔會醃得太鹹，切好一件件，肉質都幾嫰滑，唔會太肥或者太瘦。熱飲加配熱奶茶，奶香茶滑，味道香濃，唔錯！餐廳仲有齊各款港式快餐，小炒，煲仔同小食。座位闊落舒服，店員有禮，整體幾好。