聚 (廣德樓) (已結業)

超厚蛋既三文治🥪🥪，餐蛋🍳治真係 係好普通既食物，但整得好食，都唔係容易嫁，越普通嘅嘢，越睇得出煮個人嘅心機同技術👍🏻👍🏻。餐蛋治嘅餐肉一定要厚，簿嗰啲雖然好欣賞廚師既刀功，不過真係食唔到咩味囉！午餐肉一定要夠厚，而且仲要煎到燶邊，咁先夠香，雞蛋可以嘅話一定要用日本蛋，但明白成本太高，出邊食嘅通常都會用普通雞蛋，呢一間好明顯係用兩隻或以上嘅雞蛋，先做到咁厚嘅效果，佢個雞蛋有落調味料，帶出咗雞蛋嘅蛋香，再配上半吋厚嘅午餐肉，一啖咬落去，真係好滿足呀。