香城茶室 (已結業)

香港歷史博物館，除了有有趣的展品之外，其實仲有一間充滿懷舊氣息的茶餐廳-「香城茶室」。一行入去，就似走進時光隧道，回到以前的港式茶餐廳。揀左個卡位坐低，睇一睇餐牌，就出去櫃位落單（順帶一提，有博物館通行證的話有九折優惠。）之後攞個號碼牌回座位，就會有侍應送食物來。香城茶室康樂棋相當大的水吧，餐廳環境相當光猛而且寬敞。來到茶餐廳，當然要試下經典食品-沙爹牛肉麵啦。除了碗麵之外，仲有脆脆豬仔包、餐肉雞蛋和一杯熱飲，很豐富。沙爹牛肉麵的味道合格，但因為容器比較細，所以湯唔夠多，很快俾麵吸收了大半。脆豬很好食，烘得香脆，配上甜甜的煉奶，味道很。餐肉本身就有自己的味道，我就唔評論了。至於炒蛋方面就相當有進步空間，如果可以做到香、滑，咁就更加好。菠蘿油味道唔錯，係新鮮焗好，所以菠蘿皮很脆（我食到一檯都係...）再加上厚厚的冰凍牛油，溶入麵包內跟住咬一啖，咸咸甜甜又有牛油香，好食！大家行完博物館，想坐低休息下，咁就不如在「香城茶室」嘆返個港式下午茶啦。