越滿 (已結業)

今天去水務署辦點事，攪掂出來就等埋老公來一齊食晚餐，老公未有甘快到，我就在附近睇下食乜，水務署對面洗衣街開左幾間食肆，其中有間招牌好光猛，吸引我注視，原來是食越菜的越滿，應該是最近新開的，老公到了，就一起入去食晚餐。餐廳地方雅潔，座位舒適！香茅豬扒飯：豬扒入味，外脆內嫩，飯軟硬適中，十分美味！凡惠顧各式粉麵，各式飲品半價優惠。涷越式滴漏咖啡：加左練奶的咖啡，不會太濃！海防蕃茄大頭蝦蟹肉湯檬：有大頭蝦、扎肉等，蕃茄湯底濃郁鮮甜，大頭蝦爽口彈牙！檬粉滑溜！l燒雞半隻：份量都不少，雞肉嫩滑，香氣四溢，點些特製醬汁，提升味道，令人食不停口！越式炸春卷：正宗越式春卷，入面餡料好惹味，包生菜食爽口美味！牛油雞翼：外層酥脆，雞翼嫩滑入味，有牛油香味，不錯！