鮨秋 (已結業)

呢間舖睇住佢開，開始嘅時候見到佢有用心做食物嘅，但時間耐咗，食物嘅質素就開始變差。一個月前食過晚餐，已經覺得D魚生唔新鮮，幾款魚生食落都係一種味道！所以已經一個幾月無再幫襯。今日午餐呀仔話想食壽司，咁我心諗俾多次機會，試吓有無改善啦！點知係仲衰過上次，我揀咗I套餐係魚生定食價值$75，魚生唔太新鮮不特止，連魚生飯都唔合格，飯太淋啦😣點都食唔落😔而呀仔叫嘅係C餐親子魚生丼$58一樣衹食咗幾件三文魚，飯全部無食，咁就同個負責人反映D食物質素唔掂，佢就話換過一份俾我，但我話D飯咁樣都係同一煲飯，換都無用吖！唔駛喇。咁我一個餐衹係食咗2舊玉子、一件太卷（最難食嘅）、一件帶子壽司和一塊刺身（因D飯太難食諗住衹食上面）咁我就叫走埋單嘅時候，佢都係收番我$133。😟2個人都係食唔飽，返家前仲要買個飽食，越諗越唔抵😰。