越旺美食 (已結業)

今晚同老婆 & 媽媽去大角嘴食 dinner，見到呢間越旺美食好似唔錯，於是入去試一試越食小食拼盤，包括咗好多款小食，炸物唔會油，好脆，串燒配上香濃醬汁，好味！👀豆豉炒蜆，蜆肉都幾鮮甜，撈埋豆豉同青蔥，味道唔會太濃，啱啱好～蒜蓉焗青口，好香啦，第一啖食到嘅就係蒜蓉味，青口都係好新鮮，焗得啱啱好，好味道，推介 👍🏻蒜蓉雞翼，炸得好香脆，好好味，薄薄既脆漿包裹住嫩滑既雞翼，正！香草煎羊扒，個羊扒煎得好嫩，唔係好羶，加埋芥末醬好惹味，係媽媽既最愛！👏🏻咖喱牛腩煲，馬來咖喱味道唔會辣，又濃郁又夠香，牛腩煮得好軟好腍，真係一道好正嘅菜式！😋薄餅，好煙韌好香，配埋咖喱汁，真係無得輸～三色冰、椰汁綠豆冰、柚子蜜，全部都好好飲，特別係椰汁綠豆冰，超香椰子味！