富臨皇宮 (已結業)

今年唔想同人逼所以提早慶中秋，但心儀既酒家爆滿逼於無奈選過第二間見富臨有位以前又食過ok，一於再次光顧，去到見到坐冇虛席有叫小菜和火鍋，見到其他食客既小菜都幾靚，心想今晚應該有餐美食落肚，點知就出事!睇完餐牌我哋叫左個中秋盈月晚市套餐A，另外加多幾個小菜。首先講吓套餐d餸先：法式焗美國龍蝦(連伊麵底)，個芝士汁好好味龍蝦好彈牙，不過就冇乜肉和伊麵份量好少原盎燉靚湯話賣晒，逼住轉為豆腐湯羹，兩者相差太遠但都算幾好味。紅燒乳鴿，可以叫做全晚最正既餸，皮脆肉嫩，美味香口古法蒸龍躉件，厚肉嫩滑，雲耳爽口。山珍泡翡翠，睇個名好似好高貴好正，點知原來係菇仔浸菜心，菇仔好嫩，但菜心就非常老和韌蒜茸蒸帶子，講起真係一肚氣因為我哋叫完餐已經冇左張菜單纸，唔知套餐裏有乜嘢餸，祇係有餸到就食，當我哋用饍一個半小時，準備埋單之制，居然送上一碟蒜茸蒸帶子，這時先知道原來還有餸未出其實之前唔使個半鐘已食完想走，不過坐吓吹吓水先噤內，好在未走，唔係就…不過唔食都冇損失，因為帶子咬落又老又韌除左個套餐，另外叫左:木桶豉油雞、孖寶(極品燒鵝皇、果皮蒸鮑魚)、高山耳浸菜苗、京式素鵝和豉汁蒸大鱔。木桶豉油雞，份量夠大，但雞