桃太郎麵包

自己之前都有留意呢一間麵包舖，佢哋大約下晝五點開始就會做日本文化祭優惠，細包買三送二，大包買二送一🎌 雖然唔係好知同日本嘅文化有咩關係🤣不過有優惠就梗係要試吓佢哋嘅麵包🤙🏻

綠茶紅豆軟包 ($22)包體好鬆軟，尤其係用焗爐烘完之後真係有外脆內軟嘅感覺，而且係撳落去會回彈🤍不過綠茶味就唔算好出，紅豆蓉都幾甜，份量算係正常🫘

紫薯甘薯軟包 ($22)同紫薯麻糬包 ($20) 兩個包體都係好鬆軟～甘薯內餡都幾多，而且好似蜜糖咁勁甜～

紫薯麻糬包嘅麻糬係偏有咬口一啲，份量都幾多，不過兩個包嘅紫薯味都唔算突出～

總括嚟講，以~$13一個咁大嘅包嚟講，有咁鬆軟嘅包體真心有驚喜～餡料算係幾多不過就未算好濃味，路過都可以一試～