📍元朗馬田路80號御庭居地下6-7號舖
元朗真係多好嘢食，最近馬田路嗰邊又開咗間泰式主題燒烤放題餐廳，晚市正價時段$228/位免加一任食90分鐘，任飲啤酒汽水之外，第一次見有泰式特飲奶茶手標茶😍正👍🏻
環境寬闊，乾淨舒適，每枱都有一疊牛油紙可以自行換，舖咗牛油紙燒嘅話無咁易燒燶，汁水都無咁易流失👍🏻
坐低無耐店長就送上一碟海鮮拼盤，有蝦有鮑魚有青口，新鮮飽滿😃
自助區泰式熟食、雞牛豬、蔬菜、甜品、飲品應有盡有。
個人大推豬頸肉，燒完勁香勁惹味，唔蘸汁都好好食，爽口彈牙。
串燒都誠意十足，肉大大舊，肉食獸一定滿足🤭鍾意少肉多菜嘅話都唔少選擇，翠肉瓜、茄子、粟米、菠蘿等等都鮮甜多汁😋
現場仲有即叫即製爆餡香蕉煎餅，薄皮香脆，自己按喜好加椰漿/煉奶就食得😋我自己都拎咗兩舊食🤭煎餅隔離仲有得自己淥船粉食，都幾好玩😆旁邊有冬蔭功湯，飲咗碗幾好飲☺️
記得留肚食埋甜品，布甸超好食🤤無諗過放題嘅甜品都可以咁好食，如果唔係食得太飽一定會食多個😋。
