Tartes & Pop

營業中

休息中

聽講上環有間法國兩兄弟開既甜品店，佢地仲話自己可能係香港最好既法國甜品，既然今日黎到上環，就試試去。我買左個香橙伯爵茶撻，佢個包裝好迷你同埋好令。就咁睇個賣相已經無得輸，一食落去，幸福感覺滿瀉。佢最底個層係類似消化餅既餅底，但佢整得完全唔乾，仲要好結實，唔會食到d餅碎飛到周圍都係。中間個層係超級濃既伯爵茶醬，有茶香之餘完全唔甜，同上面層香橙超夾，一啖可以食到兩個層次，真係想再安哥，超級好味，所以非常值呢個價錢。