牛の鍋日本料理

同朋友喺荃灣行完街，天天氣又再凍番少少，即刻搵個地方打邊爐先。咁啱見悅來坊嘅牛之鍋 Ushi Shabu任飲任食火鍋做緊二小時放題，唔使90分鐘趕頭趕命，係咁放啲嘢入口！原來佢哋除咗火鍋任飲任食之外，仲有日本料理同即製甜品都係任飲任食，即管入去試一試。晚市放題有幾種套餐，加加埋埋有超過200款嘢食俾你揀，最緊要嘅仲係仲可以揀一人一鍋。

呢啲時間大家都咁注重衛生，唔使驚撈亂，真係唔錯嘅選擇。

刺身

咁肚餓梗係食咗啲即食嘅刺身先啦。幾新鮮，唔會好似出邊咁，食落仲有冰或者一陣雪味。

新鮮魚皮

之後就有好多唔同嘅熟食，即刻攞返兩碟新鮮魚皮，夠脆！讚！

正式開始打邊爐，梗係食牛先啦，有好多唔同部位嘅牛肉，而且仲好新鮮，睇相都睇得出。

牛肩胛肉眼

封門柳牛肉

美國肥牛肉

最窩心嘅係上面仲有提你淥幾耐，啱晒嗰啲成日問熟未啊熟未啊嘅朋友！

除咗一般嘅豬牛羊，佢仲有啲海鮮，例如甲殼類，真係總有一款啱你食。呢個套餐嘅性價比一流！

1

餐廳面積好大，座位寬闊，店員有禮貌，上湯底都好快手，值得讚讚。好彩早飯，好快已經坐滿人，證明冇揀錯。牛の鍋嘅二小時先至係真正嘅食到飽，捧住個肚走。

🍲 牛之鍋 Ushi Shabu 🍲
🍲 荃灣荃華街3號悅來坊2樓202號舖
🍲 Tel 2613 8178