鰻魚蛋包飯實際上是不少呢類型餐廳的主打菜，競爭對手頗多，呢間小店絕對達到水準，鰻魚肉質厚而嫩，但蛋包飯內的醬汁不太足夠，可以研究一下令白飯更融入於整道菜之中。
非常欣賞這道醬油風白汁三文魚意粉，好好食，意粉同醬汁比例剛剛好，日式醬油風配上意粉都幾特別！
跟住就到呢道鬥西牛魔王vs蝦兵蟹將，份量超大，拼盤包括兩隻大龍蝦丶軟殻蟹丶秘製豬仔骨同炸雞翼。不得不說拼盤裡面的每樣食物都無令人失望，味道同賣相都好高質，三百幾就食到好味仲份量十足既龍蝦拼盤，性價比非常高！！
其他菜式也很有水準，而店內的老闆同員工都是年輕一代，加上店內氣氛輕鬆，整體而言實是一間很潮又有創意的新派小店！
