16
14
2
等級2
9
1
2020-05-07 3501 瀏覽
每次經過呢間餐廳都比佢既門口吸引住,好想入去試下😍不過之前一直都冇咁既機會😅竟然今日終於可以入去食返餐,真係好驚喜😍😍😍佢個門口真係好靚,入到去要先經過一條兩邊擺曬竹葉既走廊,入到去非常光猛,配合埋佢嗰種日系既設計,環境真係一流😍😍入到去先知到原來另一半超細心特登book左個海景位,不過張枱既擺法就有啲奇怪😂兩個人平排坐對住個海食野😂我估應該係因為餐廳係疫情既policy要放少啲枱先會咁擺,正常應該唔會咁座😂雖然有啲奇怪,不過全程都可以望住個海食野都真係幾享受😍雖然嗰條欄杆有啲礙眼😂午餐相對晚餐比較抵食,雖然午市套餐都有佢既招牌菜壽喜燒食,不過都唔算平,寧願留返夜晚再黎先食🙈我地一人叫左一個餐,我叫左個銀鱈魚西京燒,另一半就叫左個燒汁燉和牛😛套餐包前菜,茶碗蒸,湯同甜品,都算幾多野食。首先黎左個前菜,係梅子蕃茄果凍,炸豆腐餅同茶碗蒸。梅子蕃茄果凍食落好清甜好開胃,估唔到呢個配搭會咁夾😍豆腐餅雖然係炸,但系佢個汁可以做到一啲油都冇,真系要佩服日本菜既精緻度可以做到幾犀利😂茶碗蒸加左蟹肉一齊,好甜好滑,真係冇得彈😍到上主菜,侍應特別強調米飯係日本既越光米,食落真係好香😍剩係用漬物送飯都可以
更多
每次經過呢間餐廳都比佢既門口吸引住,好想入去試下😍不過之前一直都冇咁既機會😅竟然今日終於可以入去食返餐,真係好驚喜😍😍😍佢個門口真係好靚,入到去要先經過一條兩邊擺曬竹葉既走廊,入到去非常光猛,配合埋佢嗰種日系既設計,環境真係一流😍😍
64 瀏覽
0 讚好
0 留言

入到去先知到原來另一半超細心特登book左個海景位,不過張枱既擺法就有啲奇怪😂兩個人平排坐對住個海食野😂我估應該係因為餐廳係疫情既policy要放少啲枱先會咁擺,正常應該唔會咁座😂雖然有啲奇怪,不過全程都可以望住個海食野都真係幾享受😍雖然嗰條欄杆有啲礙眼😂
69 瀏覽
0 讚好
0 留言

午餐相對晚餐比較抵食,雖然午市套餐都有佢既招牌菜壽喜燒食,不過都唔算平,寧願留返夜晚再黎先食🙈我地一人叫左一個餐,我叫左個銀鱈魚西京燒,另一半就叫左個燒汁燉和牛😛套餐包前菜,茶碗蒸,湯同甜品,都算幾多野食。首先黎左個前菜,係梅子蕃茄果凍,炸豆腐餅同茶碗蒸。梅子蕃茄果凍食落好清甜好開胃,估唔到呢個配搭會咁夾😍豆腐餅雖然係炸,但系佢個汁可以做到一啲油都冇,真系要佩服日本菜既精緻度可以做到幾犀利😂茶碗蒸加左蟹肉一齊,好甜好滑,真係冇得彈😍
124 瀏覽
1 讚好
0 留言


79 瀏覽
0 讚好
0 留言


到上主菜,侍應特別強調米飯係日本既越光米,食落真係好香😍剩係用漬物送飯都可以食幾碗😛不過點都要食下個主菜既😅銀鱈魚真係好正,西京燒既味道做得非常出色,食到有好香既味噌味道,甜味岩岩好,唔點沙律醬都好好食,唔會覺得好滯。魚皮燒到脆脆的,成件事真係好香好好食。個沙律都唔可以忽視,佢用既菜唔同一般平時餐廳用既椰菜絲,佢用左幾種唔同既菜好似大根,春菊等等,再配埋佢個自家制醬汁,真系超正😍唯一有啲失色既係啲酸既沙律汁放左系啲魚隔離,流左少少去啲魚度,如果搵啲野隔一隔就更加好。

87 瀏覽
0 讚好
0 留言

食埋個燒汁燉和牛,一樣都係超好食🥺估唔到燒汁味道都掩蓋唔到和牛嗰種牛香味,加上係燉既關係真係好軟,接近入口即溶既境界😍燒汁唔會好鹹,送飯食非常夾,有呢道餸再襯埋個咁好食既飯真係食幾多都唔厭🙈而且最估唔到既就係佢份量都唔算少,牛肉既份量仲多過平時茶餐廳啲咖哩牛腩既牛肉😂真係好滿足😍

60 瀏覽
2 讚好
0 留言

最後甜品係柚子雪糕,食落都幾清新,不過食食下就感覺有啲似雪凍左既柚子蜜😂

53 瀏覽
0 讚好
0 留言

總括黎講,呢餐真系食得好滿足,環境正,服務好,食物質素高,價錢配合佢呢個份量都叫合理。埋單平均一個人$300,可以歎到個咁靚既景,食到啲咁好食既食物,真係值得既。試過佢地既午市定食,真係會搞到人心喐喐想試下夜晚黎食佢地既招牌菜壽喜燒🙈遲啲一定會再黎食過😂

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-05-04
用餐途徑
堂食
人均消費
$300 (午餐)