僕之拉麵 (已結業)

今日約左個舊同學出黎聚下，佢話搵倒間評價唔錯嘅拉麵鋪話一齊去試下。餐廳位置係新寶戲院再前幾個鋪位，並唔難搵。我地今日比較早小小，就未算好多人，不過7點過左，店舖就開始full，果然好食嘅店都有人氣。餐內裝修成日式復古風，但係格調比較舒適。好多昭和時代嘅公仔同壁畫做點綴。坐低緊係睇下有咩食，我地叫左B：愛肉者拉麵、期間限定：海老愛食者拉麵。期間限定嘅海老愛食者拉麵每日限量供應，因為我好中意食蝦！好慶幸今日居然食倒。蝦整整一排掛係碗邊！新鮮加上烹調剛好，蝦肉仍然有鮮味而彈性，加上輕微火炙過更有蝦香。湯底都係用蝦熬製。除左蝦裡面都有日式叉燒，滿足你兩個願望😎愛肉者拉麵碗邊掛滿左日式叉燒，朋友好怕叉燒會好鞋，而依間餐廳生熟同厚度都岩岩好，係好食嘅日式叉燒！仲有角切叉燒同味付雞蛋。我哋另外叫咗鵪鶉蛋，15元有6飯性價比都唔錯！非常推薦黎旺角試吓依間拉麵！