影片
更多
2024-09-08
1834 瀏覽
4/9/2024📍第一郡呢間越南餐廳仲開係深水埗嘅時候就食過一次 印象中都幾好食 到搬咗去大舖幾年 今日終於去食多次啦😽宜家嘅舖頭真係大咗好多 但晚市時段都係滿座 生意勁好我哋6點半左右去到唔駛等位 上菜速度都好快⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨蟹膏番茄湯檬（$70）一飲個湯底就被徹底驚艷 事關湯底嘅蟹味真係好香濃！同番茄嘅酸甜超級夾！佢嘅配料好多 最特別嘅係個蟹膏餅 蟹味好香 口感好得意 食唔出佢係點整出嚟（我哋估係蛋白mix蟹肉蟹膏🤣）至於豆卜、豬紅、扎肉 全部都非常入味 吸晒湯底嘅鮮味 仲有半個番茄同幾條生菜添檬粉嘅分量都唔少 亦唔會煮得太腍 唯一要彈嘅係herbs太多 要夾走面頭果啲先唔會咁重味😹✨越式法包（$60）半條法包賣呢個價真係幾貴下 不過真係幾好食😋佢嘅法包係外脆內軟 唔會好難咬 啱上菜嘅時候仲係暖暖哋 入面嘅饀都足料 有扎肉、腩肉、肉鬆、蘿蔔絲 、青瓜、肝醬、酸菜 mix埋一齊嘅味道同口感都好豐富 芫茜味唔會好重✨米紙蝦卷（$22）一條米紙卷切開兩半 搣開出面嘅香葉就食得 中間嘅饀料好足 有檬粉、青瓜、蝦、生菜佢嘅靈魂在於個醬汁 花生味超濃 個醬入面仲有啲蘿
📍第一郡
呢間越南餐廳仲開係深水埗嘅時候就食過一次 印象中都幾好食 到搬咗去大舖幾年 今日終於去食多次啦😽
宜家嘅舖頭真係大咗好多 但晚市時段都係滿座 生意勁好
我哋6點半左右去到唔駛等位 上菜速度都好快
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
✨蟹膏番茄湯檬（$70）
一飲個湯底就被徹底驚艷 事關湯底嘅蟹味真係好香濃！同番茄嘅酸甜超級夾！
佢嘅配料好多 最特別嘅係個蟹膏餅 蟹味好香 口感好得意 食唔出佢係點整出嚟（我哋估係蛋白mix蟹肉蟹膏🤣）
至於豆卜、豬紅、扎肉 全部都非常入味 吸晒湯底嘅鮮味 仲有半個番茄同幾條生菜添
檬粉嘅分量都唔少 亦唔會煮得太腍
唯一要彈嘅係herbs太多 要夾走面頭果啲先唔會咁重味😹
✨越式法包（$60）
半條法包賣呢個價真係幾貴下 不過真係幾好食😋
佢嘅法包係外脆內軟 唔會好難咬 啱上菜嘅時候仲係暖暖哋
入面嘅饀都足料 有扎肉、腩肉、肉鬆、蘿蔔絲 、青瓜、肝醬、酸菜 mix埋一齊嘅味道同口感都好豐富 芫茜味唔會好重
✨米紙蝦卷（$22）
一條米紙卷切開兩半 搣開出面嘅香葉就食得 中間嘅饀料好足 有檬粉、青瓜、蝦、生菜
佢嘅靈魂在於個醬汁 花生味超濃 個醬入面仲有啲蘿蔔絲 夾埋米紙卷一齊食💯
✨斑斕綠豆糕（$15）
斑斕味好香 口感好煙韌 中間嘅綠豆蓉好滑 唔會太甜👍🏻
✨紫米糕（$7）
口感幾實淨 食到一粒粒嘅紫米口感好好 亦都唔會太甜👍🏻
✨牛油果沙冰（$35）
與其話係沙冰 飲落更加似係milkshake 完全冇沙冰嘅口感 非常smooth 如果想要沙冰嘅口感一定會失望😹 牛油果味好香🥑甜度適中
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
最後埋單～$220 （連加一）
所有野都好好食 真係好推薦大家嚟試下啊😽
推薦指數🌟：5/5
📍 油麻地彌敦道483-485A號2樓
張貼
