陳儀興尚潮樓 (英皇道)

營業中

休息中

最近好想食潮州菜，所以就約左朋友去陳儀興尚潮樓食晚飯🫶🏽 店内環境裝修典雅，非常適合約埋三五知己一同聚餐。餐前先黎一杯齒頰留香嘅潮汕功夫茶，味道清香回甘，提神醒胃。🐠凍馬友魚 $398黎呢度一定要試下凍馬友魚，肉質鮮甜嫩滑，油份豐腴甘香，完全無腥味，再配上潮州特色豆醬，微鹹更能引出魚肉嘅鲜香，令人回味無窮。🐖胡椒鹹菜鮮豬肚湯 $156/碗冬天點少得老火飲靚湯暖暖胃，豬肚嘅處理好考功夫，而呢碗胡椒鹹菜鮮豬肚湯胡椒，豬肚完全無豬膻味，鹹菜唔會太鹹，胡椒辣度剛剛好，飲完成身暖曬，健脾開胃。🍽️香酥帶子 $298呢味香酥帶子，每粒都炸得金黃香脆，外層香酥可口，一口咬落就食到入口即溶幼滑粉腍的芋泥，包住裏面大大粒好鮮甜嘅帶子，外脆内嫩，非常滿足。🥬乾貝春菜煲 $128春菜清甜爽口，加埋瑤柱令春菜煲湯底更加鮮甜解膩，幫助消化。